(( إيه على راسك انت وياه ريش مو ريشه وحده ))
وحده حاقده
(((((((((رجاءً اقروا الموضوع حتى النهايه ولا تستعجلوا في الحكم ))))))))))))
دايم المرأه برغم رقتها وضعفها مطلوب منها تتحمل وتصبر وتضحي...
قد تضحي لأجل والديها......
قد تضحي لأجل زوجها......
قد تضحي لأجل أطفالها.....
................................
طالعوا يمين ويسار ........... ما تلاحظون أنه صار فيه نظره فوقيه من الرجل للمرأه.....
لا تقولوا مافيه .....
ليش تكون الفرحه بالمولود الذكر أكثر من المولوده الأنثى؟......... (ممكن حاجه تافهه بس إنها تحز في النفس)
ليش بعض الآباء (الله يهديهم) يمنع بنته الموظفه من الزواج علشان يلهف راتبها؟...... (ولا أنا غلطانه )
ليش بعض الرجال يصفق زوجته إلين تقول آمين ثم في الأخير تكون هي الملامه وهي الي لازم تصبر وتضحي علشان عيالها...........(لو كانت رجال ما كان مد يده عليها بس لأنها حرمه ضعيفه ما بيدها حيله ...أسد علي وفي الحروب نعامة)
ليش بعض البنات إذا جت تكلم بالتلفون يقعد أبوها فوق راسها ـ يسمع وش تقول ـ؟(ليه مو واثق من تربيتك)
ليش بعض البنات تجيب نسبه تدخلها الكليه الي تبي ويجي أبوها أخوها عمها....الي هو يجي ينسف أحلامها وطموحاتها ويقول بكل برود :........((عيب) الحرمه تدخل كلية طب) .......؟؟... (ما فيه ثقه)
ليش في بعض العوائل (الله لايبلانا) يحجر الولد لبنت عمه لما تعنس ثم يتركها ويشوفله غيرها ..؟؟ ( في القرن الواحد والعشرن .... والله حرام)
ليش لما تصير حاجه تخل بالشرف (والعياذ بالله) تطيح البنت من عين المجتمع بلا أي تفاهم أو نسيان أما الولد فيمكن يتغاضون عنه وينسونه.........؟ (هي تستاهل الي يجيها بس أحكموا عالطرفين مو على طرف واحد .........شوية عدل)
ليش وهذي أنا مجربتها لما يجي رمضان_ما ادري وش جابه على بالي _ يحب أبوي الله يطول بعمره تكون السفره متروسه وتعالي يابنيتي من صبح الله خير الناس تصلي وتذكر الله وإنتي اطبخي وأنفخي اليييين أذان المغرب.......(يالله نكسب أجر)
ليش المرأه السجينه لا يمكن أن يسامحها مجتمعها ولو تابت .....؟؟؟ ( طيب كلنا نخطئ... مسكينه...... مالها غير ربها )
ليش وليش وليش لوقعدت أسئل إلى بكره ما خلصت........
والا الي رافع ضغطي وفاقع مرارتي الي يتفشلون إذا عرف أحد أسماء قريباتهم ...أمثال هؤلاء لايستحقون العيش الا في مغارة تليق بعقولهم المتحجره والتي تضاهي عقلية رجل الكهف روعه.........